恭喜 Samantha Chan 經過多日堅持同毅力，成功完成八百流沙項目，仲好叻拎左第三名
係沙漠既環境下去跑咁多公里，仲要由跑手自己搵方向跑到終點
我深信一定經歷好多汗水同痛苦
當中既感受一定好深刻，亦非普通人可以克服
大家可以睇下佢對呢次賽事既少少感受
好多謝你多次提起愛心力量，愛心力量既精神好值得表揚
將低收入家庭課外活動津貼計劃宣揚開去，可以令更多小朋友有快樂童年
話比佢地知家庭背景係點並唔化表一切，所有香港小朋友都應該得到同等機會去參與課外活動！
愛心力量係直接將各位既捐款受惠於低收入家庭既小朋友，大家要多多支持！
Post from Samantha:
我同部分本地跑手一樣，出生於基層家庭。小時候雖未至於捉襟見肘，但屋企始終冇閒錢俾我玩啲需要太多裝備嘅課外活動，所以跑步成為我嘅良伴，只要一對白飯魚我就可以周圍跑。估唔到當年嘅經濟局限，到今日竟發展出一個搣唔甩嘅興趣。
下星期我就要出發去戈壁沙漠參加「八百流沙」---一場400公里不分階段嘅長跑賽事。希望藉住呢個比較艱辛嘅賽事為「愛心力量」籌款，幫助本地基層小朋友參加課外活動同興趣班，令佢哋喺愉快之中成長，亦令佢哋嘅天賦、潛能得以發揮。
請支持愛心力量，扶助香港兒童，俾佢哋得到更全面嘅學習機會。我都會加倍落力去跑，盡力完賽！